Kandidatja e LDK-së për kryeministre, Vjosa Osmani, ka dalur para gazetarëve para pak minutash, të cilëve nuk ua pranoi vendin e dytë, ani pse nga 84% e votave ajo ka dalë e dyta.

Osmani ka falenderuar qytetarët për pjesëmarrje, duke thënë se kjo rezultoi me largimin e partive që ishin në pushtet, shkruan Reporteri.net.

“Falenderoj qytetarët që dolën masovikisht në zgjedhje, që rezultoi me largimin e partive që qeverisën me vendin. Kjo është fitore e opozitës”, ka thënë Osmani.

Mirëpo, Osmani nuk ka pranuar ta quaj as veten e as VV-në si fituese, dhe theksoi se fituesi do të caktohet nga votat e mërgatës dhe ato me kusht.

“Për sonte, besoj e kuptoni që s’mund të shpallim fituesin. Me shumë gjasë votat me kusht dhe votat e mërgatës do ta japing verdiktin”, ka shtuar ajo.

Ndryshe, kur janë numëruar rreth 82% të votave, VV-ja është e para me rreth 6 mijë vota më shumë se LDK-ja./Reporteri.net