Kandidatja e LDK-së për kryeministre për zgjedhjet e fundit, Vjosa Osmani, po vazhdon të qëndrojë në Amerikë, ku po pritet në institucionet kryesore të shtetit më të fuqishëm të botës.
Pasi dje u prit në Shtëpi të Bardhë, Osmani është takuar në Departamentin e Shtetit Amerikan me një prej njerëzve kryesor që do të merret me Kosovën, Matheë Palmer, shkruan Reporteri.net.
Për takimin me Palmer ka njoftuar vetë Osmani, e cila tregoi se është diskutuar për raportet e Kosovës me Amerikën dhe proceset që e presin vendin.
“Sot në Departamentin e Shtetit u prita nga Zv.Ndihmës Sekretari i Shtetit, Matheë Palmer, i cili është poashtu Përfaqësues Special për Ballkanin Perëndimor. Diskutuam për raportet e Republikës së Kosovës me Shtetet e Bashkuara dhe punët e rëndësishme që na presin përpara”, ka thënë Osmani.
Sidoqoftë, kjo vizitë e Osmanit në Amerikë, në kohën kur po zhvilloheshin bisedimet mes saj dhe Albin Kurtit për Qeverinë e ardhshme, po konsiderohen si një vizitë për të marrë “aminin” amerikan.
Ndryshe, njeriu që sot e takoi Osmani, është emëruar Përfaqësues Special për Ballkanin Perëndimor, por i cili do të ketë fokus të veçantë në Kosovë./Reporteri.net