Vjosa Osmani, presidente e Kosovës, është takuar me ministrin e jashtëm të Polonisë, Zbigniew Rau, të premten.

Takimi ka ndodhur në Ohër të Maqedonisë së Veriut, aty Kosovën po e përfaqëson Osmani.

E gjatë takimin me kryediplomatin polak, Osmani ka folur edhe për aplikimin e Kosovës në Këshillin e Evropës.

“Potencova nevojën e avancimit të raporteve ndërmjet shteteve dhe popujve tanë, si dhe forcimin e bashkëpunimit në politikën e jashtme, përfshirë mbështetjen për anëtarësimin e Kosovës në Këshillin e Evropës dhe strukturat euro-atlantike”, ka shkruar Osmani në Facebook.