Inicimi i procedurave nga lideri i LDK-së, Isa Mustafa për shkarkimin e Vjosa Osmanit nga posti i nënkryetares së partisë, ka nxitur reagime të shumta.

Së fundi kanë reaguar edhe nga Lëvizja Vetëvendosje.

Deputetja e kësaj partie, njëherit nënkryetare e VV-së, Fatmire Mullhaxha- Kollçaku ka thënë se “nëse parimet bëhen mollë sherri me krerët e subjektit politik, ia vlen të sakrifikosh!”.

Reagimi i plotë:

Nga koha e negociatave për bashkëqeverisje me LDK, si personin më të sinqertë dhe këmbëngulës për arritjen e kësaj bashkëqeverisje, mbaj në mend znj. Vjosa Osmani.

Shumë të freskët në mendje e kam momentin, kur më në fund edhe u arrit rezultati pozitiv dhe kur shkrepëm një foto të përbashkët.

Deri atëherë, Vjosën e kam njohur si kolege deputete, por jo më afër.

Nëse parimet bëhen mollë sherri me krerët e subjektit politik, ia vlen të sakrifikosh!

https://www.facebook.com/photo.php?fbid=3945439195529305&set=a.797409836998939&type=3

/Reporteri.net/