1.82 euro është duke u shitur një litër naftë në Kosovë, vlerë kjo rekorde që pas shtrenjtimi të naftës pas agresionit rus në Ukrainë.

Kryetari i Shoqatës së Naftëtarëve të Kosovës, Fadil Berjani ditë më parë  ka thënë për Reporteri.net se krejt kjo po ndodh si pasojë e lëvizjeve të mëdha të çmimeve në Berzën Ndërkombëtare.

Para një jave çmimi i naftës ishte 1.66 cent, duke pësuar rritje prej 17 cent.

Pritet rritje e çmimit të derivateve këtë javë në Kosovë

Naftëtarët vazhdimisht kanë kërkuar që të rishikohet vendimi i Qeverisë së Kosovës që përcakton çmimet shitëse maksimale për shitjen me shumicë dhe pakicë të naftës dhe derivateve të naftës, duke paralajmëruar se nëse nuk ndodh kjo shumë pika karburanti në Kosovë mund të falimentojnë.

Çmimet e naftës dhe derivateve të saj, kanë arritur nivelin më të lartë që nga paslufta në Kosovë.

Qeveria e Kosovës më 1 mars kishte marr vendim që te shitësit me shumicë të vendoset marzha më e lartë tregtare deri në 4% të çmimit të shitjes, ndërsa te shitësit me pakicë vendoset marzha më e lartë tregtare deri në 6% të çmimit të shitjes. /Reporteri.net