Vllasi për Ibrahim Rugovën: S’ka qenë njeri i pushkës por paqësor

Ish-politikani Azem Vllasi ka komentuar figurën e ish-presidentit Ibrahim Rugova përgjatë periudhës së luftës në Kosovë, të cilin e ka përshkruar si figurë paqësore.


Ai ka thënë se Rugova ka qenë simbol i unitetit të shqiptarëve.

“Rugova ka qenë një njeri paqësor për atë politikë që e ka ba. Ai nuk ka qenë njeri i pushkës, me thane të veshi uniformën e të dalë. Ai në kohën e vet, në mbajtjen e unitetit të shqiptarëve, në një rezistencë kundër Serbisë, e ka simbolizu atëherë në fillim.”

Vllasi ka folur edhe për UÇK-në, për të cilën ka thënë se përpjekja e tyre ka tërhequr vëmendjen e fuqive ndërkombëtare për ndërhyrjen humanitare në Kosovë.

“Krahu i armatosur me tërhjekë vëmendjen e botës, që a pe shihni se Serbisë nuk po ja nin për politikën tonë paqësore. Tash nuk durojmë, ne i marrim edhe armët. Lufta çlirimtare e Kosovës, ishte faktikisht luftë mbrojtëse dhe luftë çlirimtare. Kur u rrit konflikti, Serbia u përgjigj me dhunë edhe më të madhe erdh edhe tek intervenimi i NATO-s”, tha Vllasi në T7.