Raportuesja për Kosovën në Parlamentin Evropian, Viola Von Cramon, e cila deri më tani ka treguar një mbështetje për Qeverinë Kurti dhe kishte kundërshtuar rrëzimin e saj, ka bërë thirrje tjetër sot, shkruan Reporteri.net.

Eurodeputetja që vjen nga Gjermania ka qenë e zëshme ditëve të fundit me përkrahjen e Qeverisë Kurti dhe kundërshtonte fort qëndrimet e Presidentit Hashim Thaçi.

Por pas vendimit të Gjykatës Kushtetuese, ajo po mendon ndryshe nga Vetëvendosje.

Derisa kjo e fundit e kundërshton vendimin e Gjykatës, von Cramon bën thirrje ta respektojnë.

Cramon ka kërkuar që të gjitha palët ta respektojnë vendimin e Kushtetueses që i jep të drejtën dekretit të presidentit Thaçi për formimin e Qeverisë Hoti.

Në një postim në Tëitter, ajo u ka bërë thirrje të gjiha palëve që të respektojnë vendimin e Gjykatës Kushtetuese.

Cramon thotë se kjo është baza për funksionimin e demokracisë dhe se tash i gjithë pushteti është në duart e Kuvendit të Kosovës.

Kuvendi i Kosovës mblidhet nesër për të votuar Qeverinë Hoti e cila duket se tashmë ka siguruar votat e nevojshme, përkundër disa zërave se ato nuk janë, meqë disa deputetë nga LDK e Nisma dhe minoritetet po deklarohen kundër. /Reporteri.net/