Raportuesja për Kosovën, Viola von Cramon, ka thënë se “ushtria digjitale e Vetëvendosjes” po e kufizon lirinë e shprehjes, shkruan gazeta online Reporteri.net.

Cramon ka shpërndarë në profilin e saj në platformën “X” një artikull të “Balkan Insight”, ku citon ish-anëtarë të Lëvizjes Vetëvendosje të cilët kanë konfirmuar ekzistencën e një “ushtrie digjitale” për të shpërndarë informacione dhe për të targetuar ata që kanë qëndrime të kundërta.

Von Cramon, ka thënë se në të vërtetë “ushtria digjitale” e Lëvizjes Vetëvendosje e kufizon lirinë e shprehjes.

“Faleminderit për këtë pjesë të rëndësishme. Më të vërtetë ushtria digjitale e Vetëvendosjes kufizon lirinë e shprehjes”, ka shkruar Von Cramon.

Thanks for this important piece. Indeed VV digital army limits freedom of speech.

“In Kosovo, former members of the ruling Vetëvendosje party have also confirmed the existence of a digital army tasked to spread information, enhance digital presence and target opposing views.” https://t.co/G9qlGDnQ3A

— Viola von Cramon 🇺🇦🇪🇺🇮🇱 (@ViolavonCramon) March 27, 2024

Kujtojmë vetëm pak ditë më parë, Cramon ishte përfshirë në një replikë me zëdhënësin e Qeverisë së Kosovës për këtë çështje.

Qeveria jonë kurrë nuk është përfshirë dhe nuk do të përfshihej kurrë në abuzim me pushtetin duke sponsorizuar sulmuesit në internet. I mohojmë akuzat nga Viola von Cramon me të cilën komunikojmë rregullisht përmes kanaleve zyrtare. I bëjmë thirrje asaj dhe të tjerëve që të mos mbështesin teoritë e konspiracionit kundër një qeverie demokratike”, kishte thënë Kryeziu. /Reporteri.net/

Our Govt has never & would never engage in abuse of power by sponsoring online trolls. We deny the allegations by @ViolavonCramon, with whom we regularly communicate via official channels. We urge her and others not to endorse conspiracy theories against a democratic government. https://t.co/NfzVYHMxJW

— Perparim Kryeziu (@KryeziuPerparim) March 13, 2024