Pas vrasjes së vajzës 18 vjeçare në Ferizaj, Bashkësisë Islame e Kosovës ka urdhëruar imamët që të ligjërojnë për luftimin e dhunës ndaj gruas.

Këtë njoftim ata e kanë bërë përmes një shkrimi në faqet zyrtare në rrjetin social, Facebook, duke thënë se kjo është bërë me rekomandim të kryetarit të Kryesisë së Bashkësisë Islame të Kosovës, Myftiut Naim Tërnava.

“Nesër, me rekomandim të kryetarit të Kryesisë së Bashkësisë Islame të Kosovës, Myftiut Naim ef. Tërnava, në hytben e xhumasë do të ligjërohet tema: “Angazhimi familjar dhe kolektiv për luftimin e dhunës ndaj femrës”, thuhet në këtë njoftim.

Tutje, në këtë njoftim thuhet se një ligjeratë e tillë pritet të mbahet në të gjitha xhamitë e Kosovës.