Natën e mbrëmshme një person u dogj bashkë me veturën e tij në Skenderaj. Rreth kësaj vraje të rëndë, ka reaguar ministri i Drejtësisë, Abelard Tahiri, shkruan Reporteri.net.

“Jam i tronditur dhe i trishtuar me lajmin për humbjen e jetës në mënyrë brutale të qytetarit I. Z. në Skenderaj. Ky rast dhe mënyra veçanërisht mizore e rrethanave nga të cilat I. Z është privuar nga jeta, është një goditje e rëndë për shoqërinë tonë dhe për shtetin e së drejtës të cilin po përpiqemi ta fuqizojmë. I siguroj qytetarët e Republikës së Kosovës se institucionet e rendit dhe ligjit do të jenë në krye të detyrës dhe ta zbardhin këtë rast sa më parë. Në këto momente të vështira për familjen e tij, i shpreh ngushëllimet më të sinqerta për humbjen e rëndë që përjetuan”, thuhet në komunikatën e Ministrisë së Drejtësisë.

Nga policia kanë bërë të ditur se po dyshohet se ai fillimisht ishte vrarë e më pas u dogj, pasi në vendin e ngjarjes janë gjetur gëzhoja të armës. /Reporteri.net/.