Një person është vrarë në Shtëpinë e të Moshuarve në komunën e Istogut.

Rastin e ka konfirmuar Policia e Kosovës përmes raportit 24 orësh, ku bëhet e ditur se deri tek vrasja ka ardhur si pasojë e pakujdesisë, shkruan Reporteri.net.

“Është arrestuar i dyshuari mashkull kosovar pasi që dyshohet se i njëjti kishte  shtyre derën e rrethojave të oborrit të shtëpisë së të moshuarve me ç’rast dera e ka goditur viktimën mashkull kosovar. Viktima është dërguar ne QKMF ne Istog  dhe me pas në Spitalin e Pejës ku mjeket kanë konstatuar se viktima nuk ka shenja jete.”, thuhet në njoftimin e Policisë.

Lidhur me rastin është konsultuar prokurori i shtetit, i cili ka dhënë urdhër që i dyshuari të dërgohet në mbajtje, ndërsa trupi i pajetë është dërguar në Institutin e Mjekësisë Ligjore për obduksion. /Reporteri.net.