Vuçiç tha se Serbia ka paralajmëruar botën për krijimin e këtij komisioni për gjenocidin e supozuar por se reagimet kanë munguar.

Ai po ashtu ka paralajmëruar se ditëve të ardhshme pritet arrestimi i 26 policëve serbë në Kosovë dhe 15 personave të tjerë, transmeton Reporteri.net.

“Ata madje reaguan formalisht ndaj taksës, por nuk reaguan kur Asociacioni i Komunave Serbe nuk u krijua, edhe kur ata sollën platformën e drejtpërdrejtë kundër dialogut, madje edhe kur akuzojnë serbët për krime pa asnjë provë, madje edhe kur ata mbahen për 6 muaj në paraburgim pa prova. … Unë jam shumë i shqetësuar, që ky rreth vicioz ende nuk është mbyllur. Të dielën, ata do të përpiqen të provokojnë serbët në veri të Kosovës në ditën e zgjedhjeve … madje kanë thënë hapur se do të votojnë për kandidaten nga partia e Kadri Veselit”, u shpreh  Vuçiq duke shtuar se ditëve të ardhshme pritet arrestimi i 26 policëve serbë në Kosovë dhe 15 personave të tjerë. /Reporteri.net

.