Ka përfunduar mbledhja e Këshillit  Kombëtar të Sigurisë së Serbisë, e cila pasoi pas vendimit të Qeverisë së Kosovës, për reciprocitet për targat.

Mediat serbe raportojnë se Këshilli i Sigurisë Kombëtare  mori disa vendime.

Këtë deklaratë e ka bërë Presidenti i Serbisë, Aleksandar Vuçiq, pas seancës. Vuçiq e ka quajtur vendimin e fundit të Kosovës, vendim barbar dhe kriminal, transmeton Reporteri.net.

Ai tha se ka kërkuar tërheqjen e të gjitha trupave policore të Kosovës nga veriu i vendit, në mënyrë që të vazhdojë dialogu.

“Serbia kërkon tërheqjen e trupave policore të Kosovës nga veriu i Kosovës, që situata të kthehet si më parë, dhe pastaj që të shkojmë në Bruksel për të diskutuar gjithçka, dhe nëse është e mundur të pajtohemi”, tha Vuçiq pas seancës së Kombëtare të Këshillit të Sigurisë

Vuçiq tha gjithashtu se ai e hodhi  poshtënjë propozim, që siç ka thënë ai e mori nga BE dje, pasi tha se dukej si “një zgjidhje kompromisi e supozuar”.

Vuçiq ka listuar edhe kërkesat  tjera që kanë paraqitur pas mbledhjes:

– tërheqja e të gjitha trupave nga veriu i Kosovës

– formimi i Asociacionit të Komunave Serbe

-Hedhja poshtë e aktgjykimit dënues kundër Ivan Todosijeviqit

– Dhënien e licencave për dy kompani serbe në fushën e energjisë elektrike

Kujtojmë se dje, Qeveria e Kosovës ka vendosur masën e reciprocitetit, duke mos lejuar qarkullimin e veturave me targa të Serbisë. Veturat me këto targa, në hyrje të Kosovës duhet të marrin targa të përkohshme, njësoj siç obligohen qytetarët e Kosovës me targa RKS t’i ndërrojnë ato kur futen në Serbi./Reporteri.net