Deputeti i PSD’së, Dardan Molliqaj, u arretua sot për të u dërguar në Gjykatë, lidhur me protestën e dhunshme përballë objektit të Policisë së Kosovës, të zhvilluar në vitin 2015, për lirimin e Albin Kurtit. Por nga ajo kohë, kanë ndryshuar shumë gjëra. Tani VV’së më nuk i intereson se për çfarë është arrestuar ish-sekretari i tyre, dhe as që duan të kërkojnë lirimin e tij.

Deputetja e VV’së, Albulena Haxhiu, refuzoi të tregojë nëse partia e saj do të kërkojë lirimin e Molliqajt, pasi ai sot u arretua për protestën ku kërkohej lirimi i Albin Kurtit, pasi i njëjti ishte arrestuar lidhur me hedhjen e gazit lotsjellës në seancat e Kuvendit të Kosovës.

Haxhiu, me këtë rast u tha gazetarëve pas mbledhjes së kryesisë së Kuvendit, se kjo nuk ishte temë e diskutimit, dhe refuzon të flas për të. Por, në raste tjera, Haxhiu dhe të tjerë përfaqësues politkë të VV’së, nuk refuzojnë të flasin nëse atyre u intereson ajo temë për të cilën pyeten nga gazetarët, pavarësisht nëse para gazetarëve kanë dalë për atë temë, apo ndonjë tjetër. /reporteri.net