Edhe në seancën e sotme, Lëvizja Vetëvendosje po vazhdon me përpjekjet për ta ndryshuar formën e votimit për Kryetar Kuvendi, duke e bërë votimin e fshehtë, shkruan Reporteri.net.

Në sallë ishin të pranishëm 113 deputetë.

Këtë propozim VV është duke e bërë qe katër seanca radhazi. Partitë tjera kanë dale vazhdimisht kundër, duke mos propozuar anëtarë Komisioni, duke e lënë secilën herë në gjysmë këtë përpjekje.

Kandidatja e VV’së për Kryetare Kuvendi vazhdon të mbetet Albulena Haxhiu.

PDK dhe AAK i kanë kërkuar vazhdimisht VV’së që ta ndërrojë emrin, teksa janë përmendur edhe emra nga kjo parti që do të mund t’i votonin. LDK ndërkohë ka thënë se nuk do ta votojë asnjë propozim të kësaj partie./Reporteri.net