Në kuadër të zgjedhjeve të brendshme dhe në përputhje me Statutin dhe Rregulloren e Zgjedhjeve të Brendshme, Lëvizja Vetëvendosje, nga sot ka shpallur zgjedhjet e brendshme për kandidatët për anëtarë të Kuvendeve Komunale.

Lajmi është bërë i ditur nga dega e VV-së në Gjilan përmes një postimi në Facebook.

Afati për të kandiduar siç thuhet në komunikatën e tyre është nga data 18 korrik deri në fund të muaji.

“Komisioni Zgjedhor Ad Hoc i Qendrës njofton të gjithë aktivistët e Lëvizjes VETËVENDOSJE!, të cilët janë të interesuar për të kandiduar për anëtarë të Kuvendeve Komunale nga Lëvizja VETËVENDOSJE!, që të paraqesin deklaratën e kandidaturës nga data 18 korrik deri më 31 korrik 2021, ora 17:00”, thuhet në njoftimin e tyre.

Lëvizja Vetëvendosje deri më tani s’e ka shpallur asnjë kandidat për kryetar të Komunave.

Zgjedhjet Lokale do të mbahen më 17 tetor të këtij viti.