Xhafer Tahiri, kryetar i Vushtrrisë nga radhët e Lidhjes Demokratike të Kosovës, ka konfirmuar se do të kandidoj përsëri për ta marrë besimin nga qytetarët për ta udhëhequr këtë komunë.

I ftuar në emisionin DPT te Fidani në T7, ai ka thënë se do të kandidoj edhe për një mandat për kryetar të Vushtrrisë.

“Po mund ta konfirmoj se do të kandidoj edhe për një mandat. Të gjitha matjet e opinionit publik në Vushtrri, tregojnë se kënaqshmëria me punën tonë është e lartë”, tha Tahiri, shkruan Reporteri.net.

Tutje ai ka numëruar punët e bëra duke thënë se beson se do të rizgjidhet në krye të komunës së Vushtrrisë.