Pas debatit të ashpër të PDK’së me Gërvallën, përplasen deputetët e PDK’së me ata të Vetëvendosjes.

Seanca e Kuvendit të Kosovës është ndërprerë pas përplasjeve të opozitës me ministren e Punëve të Jashtme, Donika Gërvalla.

Teksa kryesuesja e seancës, Saranda Bogujevci kërkoi 15 minuta, pauzë, pas lëshimit të sallës nga opozita, në hyrje të sallës së Kuvendit është krijuar një tollovi në mesin e deputetëve.

Një prej deputetëve është mbajtur për krahu nga disa deputetët. Nga videot e publikuara, Hajdar Beqa, cili shihet që është përplasur me deputetin e VV’së, Besim Muzaqin.

Mirëpo, pas përplasjes mes deputetëve të PDK’së dhe Vetëvendosjes, deputeti i PDK’së, Xhavit Haliti është parë duke i thënë përkrahjes kryesueses së seancës Saranda Bogujevci.

Haliti shihet i afërt me Bogujevcin pas përplasjes që ndodhi.

Mirëpo, PDK ka kërkuar mbledhje të Kryesisë që seancat e Kuvendit të mos i udhëheq më Saranda Bogujevci

Shefi i GP-së së PDK-së, Abelard Tahiri, po kërkon që seancat e Kuvendit të mos udhëhiqen më nga Saranda Bogujevci, pasi sipas tij po krijohet situatë e pakëndshme.

Ai tha se për shkak të saj një pjesë e opozitës e lëshoi sallën, e prezentë nuk do të jenë as deputetet e PDK-së.