Komuna e Rahovecit ka njoftuar sot, se varrimi i poetit Xhevdet Bajra, i cili vdiq në javën e kaluar, do të bëhet të enjten e 30 qershorit.

Përpara ceremonisë së varrimit në ora 14:00, komuna ka organizuar homazhe në Shtëpinë e Kulturës “Mensur Zybera” në orën 14:00 dhe mbledhje komemorative në Shtëpinë e Kulturës në orën 15:00.

Ndërkaq, pas varrimit në kafenenë “Hardhia” do të mbahet një orë poetike me krijimtarinë letrarë të poetit Xhevdet Bajraj.

Njoftimi i plotë:

Me rastin e vdekjes së poetit Xhevdet Bajraj, të enjten, më 30 qershor, Komuna e Rahovecit organizon ceremoninë mortore.

Në orën 14:00 – Homazhe në Shtëpinë e Kulturës “Mensur Zyberaj”.

Në orën 15:00 – Mbledhje komemorative, në Shtëpinë e Kulturës “Mensur Zyberaj”.

Në orën 16:00 – Ceremonia e varrimit të poetit të ndjerë, në varrezat e qytetit të Rahovecit.

Pas varrimit – Orë poetike me krijimtarinë letrare të poetit Xhevdet Bajraj, në kafenenë “Hardhia” në Rahovec.