Lëvizja Vetëvendosje dhe Lidhja Demokratike e Kosovës në takime e javës së kaluar u pajtuan, të paktën publikisht, vetëm për takime të përditshme.

Tash e sa ditë këto dy parti, takohen duke tentuar të arrijnë marrëveshje për koalicion, shkruan Reporteri.net

Mirëpo, sot nuk do të ketë takim ndërmjet këtyre dy palëve.

Lajmin e ka bërë të ditur zëdhënësi i VV-së, Arlind Manxhuka, i cili përmes një statusi në Facebook tha se nuk është planifikuar që të mbahet ndonjë takim me LDK-në.

Ndryshe, siç duket problemi kyç mes LDK-së dhe VV-së për të arritur marrëveshjen është posti i Presidentit i cili po bënë që ky koalicion të vonohet.

Reporteri.net