Zemaj: Mosmiratimi i Projektligjit për Rimëkëmbje Ekonomike po e vështirëson përpjekjen tonë për të luftuar virusin

Lajme

Zemaj: Mosmiratimi i Projektligjit për Rimëkëmbje Ekonomike po e vështirëson përpjekjen tonë për të luftuar virusin

Reporteri

20 Shtator 2020 | 13:41

Ministri i Shëndetësisë, Armend Zemaj, ka kritikuar deputetët e Kuvendit të Kosovës për mosvotimin e Projektligjit për Rimëkëmbje Ekonomike.

Përmes një postimi në rrjetin social Facebook, Zemaj ka thënë se janë nën presion nga bizneset pasi që mosmiratimi i Projektligjit po e rrezikon mbijetesën e tyre dhe mirëqenien e qytetarëve, shkruan Reporteri.net.

Zemaj ka bërë të ditur se përderisa shtetet evropiane po ballafaqohen me përhapjen e shpejtë të coronavirusit dhe po raportojnë numër të lartë të rasteve të reja, Kosova po përgatitet për çdo skenar.

Lexo edhe:

Presidentja Osmani vazhdon takimet me partitë politike për ngërçin në Kuvend

Sot përpjekja e 41-të për konstituimin e Kuvendit të Kosovës

Ngjarjet e paralajmëruara për sot në Kosovë

Ai njoftoi se në ditët e ardhshme do bëhet gati ‘Spitali për COVID-19″, në Prishtinë si dhe po komunikojnë me COVAX/OBSH për sigurimin e vaksinës së mundshme kundër COVID-19.

Ky është postimi i tij i plotë:

Përderisa shtetet evropiane po ballafaqohen me përhapjen e shpejtë të virusit dhe raportojnë numër të lartë të infeksioneve me Sars Covid-19, ne po përgatitemi për çdo skenar.

Ministria e Shëndetësisë, ditëve në vijim do ta bëjë gati “Spitalin për Covid-19”, me 500 shtretër në Prishtinë.

Po komunikojmë me COVAX/OBSH për sigurimin e vaksinës së mundshme kundër Covid-19, si dhe po bëjnë veprimet e nevojshme në pajtim me situatën.

Ne jemi nën presion edhe nga bizneset si pasojë e mos votimit të “Projektligjit për Rimëkëmbjen Ekonomike” e që po na vështërson përpjekjen tonë kundër virusit.

Mos miratimi i Projektligjit po rrezikon mbijetesën e shumë bizneseve dhe mirëqenien e qytetarëve.

Është shqetësuese dhe për keqardhje, sepse po ndodh, për shkak të tekeve të disa deputetëve.

Në parandalimin e përhapjes së virusit duhet kujdes, shumë KUJDES! Kërkohet respektim i masave parandaluese!

Vendosni maskën!
Mbani higjienën!
Respektoni distancën!

https://www.facebook.com/zemajarmend/photos/a.582552938458257/3412661332114056/?type=3&__xts__%5B0%5D=68.ARD87q3PFfdcnKMoW87hpgAvjeiHoSSllOJqrQlXS6euygcs8hFfMzvXmq2n61AA8LIHkYj950mkmMV8ni15-He922d9Yfh-1TSnxhNTomIqlgB5nbrDi_uD0mW8Fxie572J1w45fNOrn8_r_4Y2IAlNgzN-eAtEjitPrBcpYy6QjOlZ2EHWNiRXIbE-rMShxcgLIUBygZg5AcI-1V7Wlgh8yjAlObKltbDGzdBUJOvglMQalejPAHbt6B5ZKHgwJI_kY2X3lnbYXOFHVChdWJ0KFwxlFttZk1Z2-f5olSa4JFmN-w0RZcRMZlYXBK0vqw0a9J_rSh3d3Lt5B4wQNr8mNQkad5VKT7SCs8m-alnCmTJiWmxrJOd5&__tn__=-R

/Reporteri.net

Shpërndaje: