Ministri i Shëndetësisë, Armend Zemaj, thotë se u shantazhua nga inspektorët shëndetësorë, me të cilët u raportua se sot pati edhe një incident.

Për këtë arsye, ai ka kërkuar nga ushtruesja e detyrës së kryeninspektores shëndetësore, Nora Krasniqi, që të iniciojë procedurë disiplinore nën pretendimet për “ndërhyrje dhe shantazh ndaj ministrit të Shëndetësisë në kabinetin e ministrit”, ndaj inspektorëve dr.Nystret Kuleta dhe dr.Bashkim Vatovci, shkruan Reporteri.net.

Në kërkesë thuhet se bazuar në denoncimin e kabinetit të ministrit Zemaj, ekziston dyshimi i bazuar se Kuleta dhe Vatovci kanë bërë shkelje të rëndë të obligimeve dhe përgjegjësive të punës me ndërhyrjen dhe shantazhimin në Kabinetin e ministrit të Shëndetësisë.

Gjatë ditës është raportuar se ministri Zemaj ka nxjerr nga zyra e tij dy inspektorët.

Por një gjë të tillë e ka mohuar Ministria e Shëndetësisë, të cilët përmes një komunikate për medie thanë se dy inspektorët kanë hyrë në kabinetin e Zemajt, porse nuk janë pranuar në takim për shkak, siç thuhet, agjendës së ngarkuar të ministrit.

Dokumenti i plotë:

/Reporteri.net