Zëvendëskryeminstri i Kosovës, Driton Selmanaj, nuk është duke marrë pjesë në seancën e Kuvendit.

Nuk dihet nëse mungesa e tij lidhet me paralajmërimet e Lëvizjes Vetëvendosje që do ta pengojnë Selmanajn që të jetë pjesë e seancës plenare, shkruan Reporteri.net.

Nga Vetëvendosje nuk kanë treguar saktë se me çfarë metode do të mundohen ta ndalojnë hyrjen e Selmanajt.

Kuvendi i Kosovës është mbledhur për të provuar edhe njëherë votimin e disa projektligjeve, rezolutave dhe shqyrtimin e shumë raporteve të mbetura nga seancat e kaluara si pasojë e mungesës së kuorumit.