Kandidati për kryeministër nga Lidhja Demokratike e Kosovës, Lumir Abdixhiku, ka publikuar një video nga Brezovica dhe ka prezantuar planin për këtë aset kombëtar.

Kreu i LDK-së ka thënë se investimet në Brezovicë janë me interes nacional.

“Ne duam të investojmë në Brezovicë. Pra, t’i japim fund periudhës së pritjes 35 vjeçare dhe ta kemi prioritet kombëtar, pra ta trajtojmë si investim strategjik të Republikës së Kosovës. Ne kemi paraparë investime vetëm nga niveli qendror në vlerë prej 80 milionë eurove që në fillim”, ka thënë Abdixhiku.

Në bazë të planin të LDK-së për Brezovicën, do të ketë eleferik të rinj, gondola, shtigje të reja për skijim ditën e natën, qendra hotelierike e komerciale me brende botërore dhe mirëmbajtje moderne.

“Kosova ka një të ardhme të bukur përpara, prandaj ndryshimi e dalja nga moçali i pështymave e urrejtjes është domosdoshmëri”, ka thënë Abdixhiku.