Komisioni Qendror i Zgjedhjeve ka bërë të ditur se deri në ora 15:38, pjesëmarrja e qytetarëve në zgjedhje është 26.54 për qind, apo 523 mijë e 104 votues, shkruan gazeta online Reporteri.net.

KQZ-ja në vazhdimësi është duke përditësuar të dhënat, teksa kjo shifër është kalkuluar nga numri i qytetarëve që kanë votuar në 85.59 përqind të vendvotimeve.

Në garë janë 28 subjekte politike dhe katër kandidatë për kryeministër: Albin Kurti nga LVV-ja, Bedri Hamza nga PDK-ja, Lumir Abdixhiku nga LDK-ja dhe Ramush Haradinaj nga koalicioni AAK-Nisma dhe partnerët e tjerë.

Komisioni Qendror i Zgjedhjeve pas pak do të mbajë një konferencë për media, me të dhënat zyrtare të pjesëmarrjes së votuesve.