Kandidatët e Lëvizjes Vetëvendosje për deputetë Ejup Maqedonci, Drita Pajaziti, Shuajb Blakçori dhe Hamdi Jaha, kanë mbajtur një tubim të paprecedentë në objektin e një xhamie në Majac të Podujevës.

Për ta mbajtur tubimin ata kanë mbuluar hytben e objektit të xhamiisë me qese të zezë.

Fotografia nga tubimi elektoral në xhami u bë publike nga vetë Qendra e Lëvizjes Vetëvendosje në Podujevë.

Pasi tubimi në objektin e xhamisë mori vëmendjen e qytetarëve kanë reaguar nga kjo qendër.

Ata janë arsyetuar se tubimi është mbajtur në objektin e vjetër të xhamisë, i cili sic thonë ata nuk shfrytëzohet më për rituale fetare.

“Lajmet që po qarkullojnë në media dhe nga eksponentë të ndryshëm, se Lëvizja VETËVENDOSJE! ka mbajtur tubim në xhaminë e fshatit Majac, janë të pavërteta. Tubimi është mbajtur në objektin e vjetër të xhamisë, i cili tashmë nuk shfrytëzohet për rituale fetare, por si hapësirë për takime të komunitetit dhe për të pame. Përhapja e dezinformatave të tilla është e qëllimshme dhe synon të shtrembërojë të vërtetën.”, thuhet në reagim.