Një grua nga Vitia ka raportuar të hënën në Polici se dy vajzat e saj të mitura kanë dalë nga shtëpia më 23 korrik të këtij viti, por që nga ajo ditë nuk dihet asgjë për vendndodhjen e tyre.

Rastin e ka konfirmuar Policia e Kosovës përmes raportit 24 orësh, shkruan Reporteri.net.

Nëna ka deklaruar se dyshon që vajzat mund të jenë në Shqipëri duke punuar, pasi që edhe më parë kanë tentuar ta kalonin kufirin.

Rasti është nën hetime.