Një deponi mbeturinash në Zubin Potok është kapluar nga zjarri.

Lidhur me këtë shefi i operacioneve policore në veri, Petrit Fejza tha për gazetën online Reporteri.net se njësitet policore, zjarrfikësit dhe organet komunale janë duke e shikuar mundësinë e ndalimit të zjarrit.

Ai tregoi se sipas njësisë së zjarrfikësve e njëjta ka ndodhë edhe para disa viteve, pra që zjarri në këtë deponi ndizet vetvetiu.

“Po është e saktë, në vend të ngjarjes kanë dal njësitet policore, zjarrfikësit dhe organet komunale të cilat janë duke e shikuar mundësin e ndalimit të zjarrit. Zjarri është nën mbeturina, ndërsa jashtë shpërndahet tymi dhe sipas njësisë së zjarrfikësve e njëjta ka ndodhë edhe para disa viteve(pra ndizet vet-vetiu)”, tha Fejza.