×
  • Lajme
  • Lajme

    Zjarrfikësit tregojnë si i nxorën nga dheu dy vëllezërit që vdiqën në Shkup

    Reporteri
    01 Qershor 2019 | 21:22

    Prokuroria Themelore Publike jep informacione të detajuara rreth tragjedisë në Çair.


    Ata thonë se në vendin ku po zhvillohej gërmimi kanë qenë katër persona, tre prej të cilëve punonin në gropë për të vendosur kanalizimin.

    Punëtorët i kishin larguar pllakat e betonit dhe kishin filluar të gërmojnë në mënyrë që ti vendosin pastaj gypat.

    Tabelë: Prokuroria Themelore Publike: Në momentin kur në gropë kishin zbritur tre personat, kishte rrëshqitur një pjesë e dheut rreth gropës së formuar nga gërmimi, dhe i kishte mbuluar tërësisht dy vëllezërit. Dy djemtë kishin humbur jetën në vendin e ngjarjes si pasojë e lëndimeve, ndërsa personi i tretë ishte lënduar rëndë dhe pjesërisht e kishte kapur dheu.

    Prokuroria u zotua për të vazhduar me hetimet rreth shkaqeve dhe pasojave të kësaj ngjarje tragjike. Ato thonë se do të kërkojnë detaje për lejen e gërmimit, investitorin, firmën që i zhvillon punimet dhe detaje të tjera teknike. Në momentin ku po bënte hetimin prokurori, ishin thirrur edhe zyrtarët e Inspektoratit të punës.

    Personi mbijetuar nga tragjedia në Çair, është në gjendje përgjithësisht të mirë shëndetësore. Me ndihmë të shpejtë ai u dërgua në spitalin e qytetit dhe e ka marrë intervenimin e duhur. Siç bën të ditur Marina Sotirovska, kujdestare në Ndihmën e Shpejtë, personi në fjalë nuk ka lëndime serioze.

    “Njëri nga të lënduarit në vetëdije, koka e tij ishte mbi kurse dy të tjerët ishin të mbuluar nga dheu. Ekipi jonë e dërgoi në spitalin e Qytetit, në gjendje të mirë të përgjithshme shëndetësore, kishte dhimbje nëpër trup…Besoj që tani gjendja e tij është mirë, sepse fillimisht nuk kishte lëndime më serioze që ankohej”, ka thënë Sotirovska.

    Me qenë se intervenimi i parë u bë nga ekipi i zjarrfikësve, Nuredin Mustafa, komandant në Brigadën e Zjarrfikësve pranë qytetit të Shkupit sqaroi se bëhej fjalë për një intervenim të rëndë, pasi në njërën anë kishte familjarë dhe qytetarë të tjerë ishin në panikë dhe njëkohësisht kishte një jetë, që duhej ta shpëtonin.

    “Këto intervenime duan shumë durim, pra nuk mund të ndërmarrish diçka që do ta dëmton personin i cili është në rrezik. Kështu që duhet durim. Ju edhe vetë e vërejtët se qytetarët e bëjnë një panik. Mirëpo ne kemi eksperiencë dhe ja dolëm, them në bashkëpunim me disa qytetarë, ja dolëm”, ka thënë Mustafa.

    Më tej ai tha se fatmirësisht ekipi kishte qenë duke kaluar në afërsi të Çairit dhe pas lajmërimit për këtë raste, menjëherë ishin drejtuar në vendin e ngjarjes.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!