Qeveria e kaluar ishte kritikuar jo pak për keqpërdorim të veturave zyrtare. Shumë zyrtarë në jo pak raste i shfrytëzonin jashtë orarit të punës veturat zyrtare për punë familjare, e në veçanti në mbrëmje dhe vikendeve, ku zakonisht shkonin për shëtitje në Shqipëri.

Por opozita e tanishme po e akuzon edhe qeverinë Kurti, konkretisht ministrat e saj për keqpërdorim të veturave zyrtare.

Arton Muhaxhiri anëtari i Partisë Demokratike të Kosovës, përmes një shkrimi në Facebook ka akuzuar ministren e Drejtësisë, Albulena Haxhiu, se po e shfrytëzon veturën zyrtare edhe për punë private, shkruan Reporteri.net.

“Kur VV ishte në opozite publikja ishte e shoqërisë, tash kur VV është në pushtet publikja mund te jetë edhe private. Kjo është Albulena Haxhiu që e shfrytëzon privatisht veturen zyrtare”, ka shkruar ai. /Reporteri.net/.

https://www.facebook.com/baton.berisha.714/posts/653022985510703