Shumë njerëz që zhvillojnë diabet të tipit 2 nuk e dinë këtë derisa të bëjnë një analizë gjaku ose derisa sëmundja të përparojë dhe të fillojnë të shfaqen komplikime serioze. Në pjesën më të madhe, diabeti është i heshtur dhe i fshehtë. Kjo është arsyeja pse shumicën e kohës njerëzit nuk kanë simptoma në fillim.

Megjithatë, në disa raste, ka shenja të fshehta. Disa simptoma të diabetit të hershëm janë të njohura: polidipsia, poliuria dhe polifagia. Por ka edhe simptoma të tjera që mund të sinjalizojnë fillimin e diabetit. Nëse përjetoni ndonjë nga këto, sigurohuni që t’i tregoni mjekut tuaj.

Inflamacion ose mishra të infektuar

Periodontiti, i njohur edhe si sëmundje e mishrave të dhëmbëve, mund të jetë një shenjë e hershme e diabetit të tipit 2, sipas një studimi të ri të botuar në revistën BMJ Open Diabetes Research & Care. Studimi zbuloi se njerëzit me periodontit kishin shkallë më të lartë të diabetit dhe paradiabetit.

Marrëdhënia midis sëmundjes së mishrave të dhëmbëve dhe diabetit nuk është e re dhe duket se është dypalëshe. Të kesh njërën nga gjendjet duket se rrit rrezikun e zhvillimit të tjetrës.

Ndryshimi i ngjyrës së lëkurës

Nëse vini re një njollë të errët në pjesën e prapme të qafës, kjo mund të jetë një shenjë e rezistencës ndaj insulinës – një humbje e ndjeshmërisë ndaj hormonit që trupi përdor për të rregulluar glukozën – gjë që përfundimisht mund të çojë në diabet.

Ndjesi të pakëndshme në këmbët tuaja

Rreth 10% deri në 20% e njerëzve të diagnostikuar me diabet tashmë kanë disa dëmtime nervore të lidhura me sëmundjen. Në fazat e hershme mund të ndjeni një ndjesi të çuditshme shpimi gjilpërash në këmbë ose të keni ndjesi të reduktuar ose ekuilibr të dëmtuar.

Sigurisht, këto ndjesi të çuditshme mund të shkaktohen nga diçka aq e thjeshtë sa veshja e takave të larta ose qëndrimi në një vend për një kohë të gjatë. Por ato mund të shkaktohen edhe nga sëmundje të tjera serioze – siç është skleroza e shumëfishtë – prandaj është e rëndësishme t’i raportoni ato te mjeku juaj.

Në një përmbledhje shkencore të paraqitur në takimin vjetor të Bashkimit Evropian për Studimin e Sëmundjeve, njerëzit që flinin me orë të gjata kishin 45% më shumë gjasa të kishin diabet të tipit 2 krahasuar me ata që flinin më pak ose aspak.