Gjumi është një nga proceset më natyrale dhe të nevojshme për çdo njeri.

Pas një gjumi të thellë duket sikur të gjitha mendimet negative shuhen dhe dita rinis plot e përplot me energji.

Ky proces është i dedikuar për çlodhjen e mendjes dhe të gjithë organizmit.

Vlerat e gjumit nuk kanë fund dhe këtë e pohojnë edhe ekspertët.

Si ndihmon gjumi i thellë

Vetia e trurit për të pastruar veten është mëse e vërtetë dhe e nevojshme në organizëm.

Gjithsesi kjo mund të arrihet vetëm nëse keni një stil të shëndetshëm jetese dhe një gjumë të qetë.

Sipas ekspertëve të Universitetit të Bostonit, gjumi i thellë është çelësi i një truri të shëndetshëm.

Kur jeni gjumë të thellë, truri i krijon mundësi qelizave cerebrale të lëvizin më me lehtësi.

Ky proces ndihmon në pastrimin e trurit nga mbingarkesa e tepërt që shkaktohet gjatë ditës.

Pasi kur truri mbingarkohet në trup çlirohet një substancë që quhet beta amoloid.

Kjo është një proteinë e cila gjendet me shumicë tek truri i personave që vuajnë nga dementia.

Gjumi i mirë arrin ta heqë të gjithë këtë proteinë nga truri vetëm në një natë. Duke bërë që truri juaj të jetë më i mbrojtur nga plakja.

Të dhënat e studimit ku morën pjesë rreth 11 persona të cilëve iu monitorua procesi i të fjeturit, treguan se organizmi funksiononte më mirë kur trupi ndodhet në gjumë të thellë.

Ndryshe njihet si faza “ngadaltë” e më e thellë e gjumit, ku trupi arrin të pushoj plotësisht.

Kjo do të thotë rrahje më të ulëta zemre dhe frymëmarrje më e ulët, por cilësi e të pushuarit më e lartë.

Megjithëse të dhënat janë ende duke u zhvilluar, mjekët theksojnë se personat që kanë probleme me gjumin janë më të ekspozuar ndaj sëmundjeve të ndryshme./AgroWeb.org