(24 shkurt 2024) 20 të rinj tjerë të komuniteteve Rom, Ashkali dhe Egjiptian përfunduan trajnimin mbi Edukimin Medial në kuadër të projektit “Luftimi i dezinformimit dhe propagandës përmes edukimit medial për komunitetet joshumicë në Kosovë” – i financuar nga Ambasada e Shteteve të Bashkuara të Amerikës në Kosovë, me grant për gazetën online Reporteri.net.
Trajnimi i pestë, i cili përmbyllë ciklin e trajnimeve nëpër qendrat kryesore të Kosovës, u zhvillua në Gjakovë. Nga 20 pjesëmarrësit, 8 prejt tyre – 40% – ishin vajza dhe gra.
Ata u trajnuan në 5 module, nga pesë profesionistë dhe emra të njohur të gazetarisë në Kosovë.
Trajnimi nisi me modulin e përgatitur gazetarja e RTK-së dhe autorja e emisionit “Ora Egjiptiane”, Nora Xhuzi. Ajo ligjëroi për “Dezinformimin mbi baza raciste, etnike dhe ndaj grupeve tjera të margjinalizuara”. Tregoi edhe për përvojat personale, se si jo rrallë herë ka qenë cak i dezinformatave dhe paragjykimeve mbi bazën raciste.
Pas saj, Kryetari i Asociacionit të Gazetarëve të Kosovës – AGK, Xhemajl Rexha, u ligjëroi pjesëmarrësve për përhapjen e lajmeve të rreme përmes gazetarisë televizive, në modulin e përgatitur nga ai me titullin “Prevanlenca e lajmeve të rreme në TV”.
“Paragjykimet ndaj mediave dhe rastet kur mediat tregojnë anshmëri”, ishte moduli tjetër që u ligjërua në Gjakovë, nga Drejtori i Gazetës Express dhe Televizionit T7, njëherësh autor i emisionit “Pressing”, Leonard Kërquki.
Mentor Shala, autor i serisë së dokumentarëve “Virussia”, 20 të rinjtë në Gjakovë i trajnoi në modulin “Propaganda si elementi kryesor i luftës hibride ruse”.
Trajnimi përfundoi me modulin “Identifikimi i burimeve të besueshme të informacionit”, i ligjëruar nga drejtori i gazetës online Reporteri.net, Bekim Kabashi.
Projekti “Luftimi i dezinformimit dhe propagandës përmes edukimit medial për komunitetet joshumicë në Kosovë” financohet me grant nga Ambasada e Shteteve të Bashkuara të Amerikës në Kosovë për Gazetën Online Reporteri.net (R Media L.L.C). Projekti implementohet në partneritet me median “Front Online” dhe Institutin për Hulumtime “iFront”.
Në kuadër të këtij projekti janë trajnuar gjithsej 109 të rinj të komuniteteve Rom, Ashkali dhe Egjiptian, nga qytete të ndryshme të Kosovës, si: Prishtina, Prizreni, Ferizaj, Gjakova, Fushë Kosova, Lipjani, etj.. Prej tyre, 59 ishin gra/vajza – pra, më shumë sesa gjysma – rreth 55% – e pjesëmarrësve vajza dhe gra.
Gjatë këtij procesi, 6 nga kandidatët më të suksesshëm që kanë dalë nëpërmjet një gare të hapur dhe transparente gjatë zhvillimit të trajnimeve në 5 rajone të ndryshme të Kosovës, janë përzgjidhur për të kryer punë praktike në mediat dhe organizatat partnere të projektit.
(12 shkurt 2024) 20 vajza dhe gra të komuniteteve Rom, Ashkali dhe Egjiptian, nga rajone të ndryshme të Kosovës, të shtunën përfunduan në Prishtinë trajnimin mbi Edukimin Medial, në kuadër të projektit “Luftimi i dezinformimit dhe propagandës përmes edukimit medial për komunitetet joshumicë në Kosovë” – i financuar nga Ambasada e Shteteve të Bashkuara të Amerikës në Kosovë, me grant për gazetën online Reporteri.net.
Grupi i katërt i trajnimeve u zhvillua në kryeqytetin kosovar, Prishtinë, me pjesëmarrje të vajzave dhe grave mbi 18 vjeç, nga komunitetet Rom, Ashkali dhe Egjiptian, të cilat vijnë nga qytete të ndryshme të Kosovës.
Ato u trajnuan nga 5 gra të tjera të suksesshme në fushën e medias dhe lidere në punën e tyre.
Juristja e medias, Flutura Kusari, u ligjëroi atyre mbi “Rregullimin e mediave dhe përgjegjësinë ligjore të punëtorëve të medias”.
Udhëheqësja për Marrëdhënie Ndërkombëtare dhe Komunikim në RTK, Gentiana Begolli-Pustina u evidentoi pjesëmarrësve “Dezinformimin mbi baza gjinore”, ndërsa gazetarja tjetër e RTK-së dhe autorja e emisionit “Ora Egjiptiane”, Nora Xhuzi ligjëroi për “Dezinformimin mbi baza raciste, etnike dhe ndaj grupeve tjera të margjinalizuara”.
Begolli-Pustina dhe Xhuzi gjatë ligjërimeve të tyre treguan edhe për përvojat personale, si kanë qenë cak i dezinformatave, e para mbi bazën gjinore, ndërsa e dyta mbi bazën raciste.
Tutje, gazetarja hulumtuese dhe autorja e emisionit “Kiks Kosova”, Ardiana Thaçi-Mehmeti i mësoi 20 gratë pjesëmarrëse se si të “Identifikohen burimet e besueshme të informacionit dhe Verifikimin e fakteve”.
Ndërsa krejt në fund, drejtorja e “Debat Center” u ligjëroi atyre mbi “Mendimin Kritik”, duke stimuluar edhe një debat mes pjesëmarrësve mbi dezinformatat dhe lajmet e rreme.
“Më ka ra me has në mediat të cilat kanë qenë të rreme ose kanë qene tendencioze për diskriminim ose për baza gjinore, dhe tash këtu u informova saktë se ku duhet të shkoj të ankohem”, tha Shukrije Stolla, 29-vjeçarja nga Prishtina, pjesëmarrëse në këtë trajnim.
“Pata privilegjin të marr pjesë në një trajnim me gra të komuniteteve në Kosovë, ku ndava përvojën time në zbulimin e lajmeve të rreme dhe në gazetarinë hulumtuese në temën e forcimit të edukimit medial: Identifikimi i burimeve të besueshme të informacionit dhe verifikimi i fakteve për të rinjtë e komuniteteve Rom, Ashkali dhe Egjiptian. Faleminderit “Reporteri” dhe Ambasadës Amerikane në Kosovë për organizimin e këtij trajnimi që është një nga përvojat me frymëzuese për mua, kohëve të fundit”, tha gazetarja fituese e shumë çmimeve për gazetarinë hulumtuese, Ardiana Thaçi-Mehmeti, pas trajnimeve ku ajo ishte një nga ligjërueset.
Projekti “Luftimi i dezinformimit dhe propagandës përmes edukimit medial për komunitetet joshumicë në Kosovë” financohet me grant nga Ambasada e Shteteve të Bashkuara të Amerikës në Kosovë për Gazetën Online Reporteri.net (R Media L.L.C). Projekti implementohet në partneritet me median “Front Online” dhe Institutin për Hulumtime “iFront”.
Deri më tani, në kuadër të këtij projekti janë trajnuar gjithsej rreth 90 të rinj të komuniteteve Rom, Ashkali dhe Egjiptian. Prej tyre, 51 ishin gra/vajza – pra, më shumë sesa gjysma – 57.30% – e pjesëmarrësve vajza dhe gra.
Gjatë këtij procesi, 6 nga kandidatët më të suksesshëm që dalin nëpërmjet një gare të hapur dhe transparente gjatë zhvillimit të trajnimeve në 5 rajone të ndryshme të Kosovës, do të përzgjidhen për të kryer punë praktike në mediat dhe organizatat partnere të projektit.
(29 janar 2024) Të shtunën, në Prizren, u zhvillua trajnimi i radhës me mbi 20 të rinj nga kjo komunë, të komuniteteve Rom, Ashkali dhe Egjiptian. Grupi i tretë i pjesëmarrësve u trajnua në kuadër të projektit “Luftimi i dezinformimit dhe propagandës përmes edukimit medial për komunitetet joshumicë në Kosovë” – i financuar nga Ambasada e Shteteve të Bashkuara të Amerikës në Kosovë, me grant për gazetën online Reporteri.net.
Njëzetenjë (21) pjesëmarrësit në këtë trajnim ishin të moshave 18-35 vjeç. Mbi gjysma (50%) e tyre ishin vajza dhe gra. Pjesëmarrës në këtë trajnim ishin edhe vullnetarët e organizatës lokale “Durmish Aslano”. Trajnimi u zhvillua në hapësirat e “Makerspace Innovation Center” në Prizren.
Të rinjtë u trajnuan në pesë module të ndryshme: Juristja e medias, Flutura Kusari i trajnoi mbi “Rregullimin e Mediave dhe Përgjegjësinë Ligjore të Punëtorëve të Medias”. Bekim Kabashi nga Reporteri.net u ligjëroi për “Identifikimin e Burimeve të Besueshme të Informacionit”. Lavdim Hamidi nga Front Online u ligjëroi për “Raportimin etik, privatësinë dhe sigurinë online”. Gazetari Selamir Qerimi nga T7 i trajnoi për “Verifikimin e fakteve”. Dhe e fundit, Aurora Popova nga “Debat Center” u ligjëroi rreth “Mendimit Kritik”. Në fund, bashkë me pjesëmarrësit për një orë u simulua një demo-debat, rreth identifikimit dhe luftimit të dezinformimit dhe propagandës.
“Trajnimi ishte me të vërtetë frytëdhënës, na udhëzoi dhe na tregoi disa gjëra të cilat nuk i kemi ditur më herët, edhe na tregoi se qysh mundemi me e dallu një lajm të rremë, si dhe për gazetarinë në bazë të etikës dhe rregullave, informata të cilat më herët nuk i kisha marrë në trajnime tjera”, tha Gynesh Veshall pas trajnimit, kur foli për përshtypjet e saj pasi mori pjesë në pesë modulet.
“Mendoj se duhet me pas trajnime të tilla pak më shumë. Duke e pas parasysh se gjysma e rinisë janë aktiv në rrjetet sociale dhe po ndikohen nga to. E falënderoj Ambasadën Amerikane dhe Reporterin për mundësinë”, shtoj e reja nga Prizreni.
Vlerësim për projektin, e në veçanti edhe për pjesëmarrjen e madhe të vajzave dhe grave në Prizren, pati Shyret Hoxhaj, pjesëmarrëse në trajnim.
“Trajnimi ka qenë me një kuadër tejet potencial, dhe na ka bë me kuptu më shumë rreth lajmeve të rreme. Jemi trajnu në atë formë që me dallu lajmin e rremë prej atij të vërtetë”, tha ajo.
“Më erdhi shumë mirë që sot shumica e sallës ka qenë e mbushur me vajza. Dhe shpresoj se edhe herave tjera me pas kaq shumë vajza në trajnime, dhe ju bëj thirrje që mos me u ndal e me marrë pjesë në trajnime”, potencoi tutje Hoxhaj.
Edhe pjesëmarrësja tjetër, Lejla Veshalli, pati vlerësim të madh rreth trajnimit që e ndoqi të shtunën në Prizren, dhe tha se mësoi shumë nga modulet e projektit “Luftimi i dezinformimit dhe propagandës përmes edukimit medial për komunitetet joshumicë në Kosovë”.
“Ky trajnimi që mora pjesë sot është shumë me rëndësi. Kemi mbajt edhe disa debate në kuadër të trajnimit, të ndarë në grupe, dhe ne i kemi shtjellu dhe diskutu se cilat janë lajme të rreme e cilat jo. I kemi shtjellu edhe sipas titujve, çka duhet me u ndryshu ose jo, etj…”., tha ajo.
“Dhe për mua si një vajzë është shumë me rëndësi me i ndjek këto trajnime dhe duhet të ketë më shumë të tilla. Shumë është me rendësi që edhe në rajone tjera të Kosovës të organizohen të tilla trajnime”, shtoi e reja nga Prizreni.
Ky projekt financohet me grant nga Ambasada e Shteteve të Bashkuara të Amerikës në Kosovë për Gazetën Online Reporteri.net (R Media L.L.C). Projekti implementohet në partneritet me median “Front Online” dhe Institutin për Hulumtime “iFront”.
Trajnime të ngjashme deri më tash janë organizuar në tre komuna të ndryshme të Kosovës. Në Prizren, në Ferizaj me pjesëmarrës edhe nga Shtimja, si dhe në Lipjan me të rinjë edhe nga Fushë-Kosova. Trajnimet do të vazhdojnë edhe gjatë muajit shkurt, në Prishtinë e Gjakovë.
Deri më tani, në kuadër të projektit “Luftimi i dezinformimit dhe propagandës përmes edukimit medial për komunitetet joshumicë në Kosovë” janë trajnuar gjithsej rreth 70 të rinjë të komuniteteve Rom, Ashkali dhe Egjiptian. Prej tyre, 32 ishin gra/vajza – rreth 45% të pjesëmarrësve.
Gjatë këtij procesi, 6 nga kandidatët më të suksesshëm që dalin nëpërmjet një gare të hapur dhe transparente gjatë zhvillimit të trajnimeve në 5 rajone të ndryshme të Kosovës, do të përzgjidhen për të kryer punë praktike në mediat dhe organizatat partnere të projektit.
(22 janar 2024) Njëzetenjë (21) të rinj tjerë të komuniteteve Rom, Ashkali dhe Egjiptian, kanë përfunduar trajnimin mbi Edukim Medial, i cili ka synim identifikimin dhe luftimin e dezinformimit dhe propagandës. Këtë herë trajnimi u zhvillua në Ferizaj, me pjesëmarrës të rinj, të moshave 18-35 vjet, nga kjo komunë dhe ajo e Shtimes. Nga ta, rreth 40% ishin vajza. Ky projekt mbështetet nga Ambasada e Shteteve të Bashkuara të Amerikës në Kosovë me grant për gazetën online Reporteri.net.
Trajnerët, atyre u ligjëruan në teori dhe në praktikë modulet për: Rregullimin e mediave dhe përgjegjësinë ligjore të punëtorëve të mediave; identifikimin e burimeve të besueshme të informacionit; verifikimin e fakteve; etikën në raportim; dhe sigurinë online.
Modulin e parë për pjesëmarrësit e ligjëroi juristja e medias, Flutura Kusari.
Pjesëmarrësit, të rinjtë të moshave 18-35 vjet, e vlerësuan lartë trajnimin dhe theksuan nevojën për më shumë trajnime të tilla rreth edukimit medial dhe luftimit të dezinformimit tek komunitetet jo shumicë në Kosovë.
Zade Krakoveti, pjesëmarrëse në trajnimin “Luftimi i propagandës përmes Edukimit Medial për Komunitetet Rom, Ashakli dhe Egjiptian” vlerësoi edhe numrin e madh të pjesëmarrësve vajza e gra në këtë trajnim.
“Për neve komunitetet jo shumicë çdo trajnim është i dobishëm. Pas trajnimeve që sot i kemi mbajtur e kemi më të qartë dhe më të lehtë që ta identifikojmë një dezinformatë. Pjesëmarrja e vajzave në këtë trajnim ishte goxha e madhe, dhe është shumë mirë që vajzat të informohen më shumë se cilat janë lajmet e verta dhe cilat të pavërteta dhe të dinë ta bëjnë dallimin mes informatës dhe dezinformatës”, tha Krakoveti, pjesëmarrëse në trajnimin që u zhvillua gjatë fundjavës në Ferizaj.
Edhe Ergjan Mehmeti, pasi ndoqi të gjitha modulet e trajnimit tha se tashmë është më i informuar se si t’i identifikojë më shpejtë dhe lehtë lajmet e rreme dhe dezinformatat.
“Ky trajnim është shumë efektiv, sidomos për të rinjtë e komuniteteve Rom, Ashkali dhe Egjiptian, duke pasur parasysh se ende si komunitete kemi sfida dhe probleme sa i përket edukimit medial”, tha ai.
“Kësi lloj trajnimesh janë të duhura dhe janë të nevojshme me marrë pjesë dhe pse jo këto lloj të trajnimeve me na jap mundësinë edhe që me punu si gazetar dhe me qenë pjesë e mediave”, tha ky i ri nga Shtimja i cili mori pjesë në trajnimin që u zhvillua në Ferizaj.
Trajnimi i dytë mbi luftimin e propagandës përmes edukimit medial u organizua në Ferizaj, me të rinj pjesëmarrës nga komunitetet Rom, Ashkali dhe Egjiptian nga Ferizaj dhe Shtimja.
Ky projekt financohet me grant nga Ambasada e Shteteve të Bashkuara të Amerikës në Kosovë për Gazetën Online Reporteri.net (R Media L.L.C), dhe implementohet në partneritet me median “Front Online” dhe Institutin për Hulumtime “iFront”.
Trajnime të ngjashme do të organizohen edhe në komuna tjera gjatë javëve në vazhdim.
Gjatë këtij procesi, 6 nga kandidatët më të suksesshëm që dalin nëpërmjet një gare të hapur dhe transparente gjatë zhvillimit të trajnimeve në 5 rajone të ndryshme të Kosovës, do të përzgjidhen për të kryer punë praktike në mediat dhe organizatat partnere të projektit.
(18 dhjetor 2023) 27 të rinj të komuniteteve Rom, Ashkali dhe Egjiptian, gjatë vikendit morën pjesë në trajnimin për edukim medial, i cili ka synim identifikimin dhe luftimin e dezinformimit dhe propagandës – projekt i mbështetur me grant nga Ambasada e Shteteve të Bashkuara të Amerikës në Kosovë për gazetën online Reporteri.net. Nga 27 pjesëmarrësit nga Lipjani dhe Fushë Kosova, rreth 40% ishin vajza.
Të ndara në pesë module trajnimi, trajnerët ligjëruan në teori dhe në praktikë modulet për: mendimin kritik; identifikimin e burimeve të besueshme të informacionit; verifikimin e fakteve; etikën e mediave dhe sigurinë online.
Trajnerët e këtyre moduleve ishin: Aurora Popova nga Debate Center; Erjonë Popova – profesioniste e medias; Selamir Qerimi, gazetar i T7; Bekim Kabashi nga Reporteri.net (gazetar dhe drejtor i mediumit); dhe Lavdim Hamidi nga Front Online (kryeredaktor i mediumit).
“Duke qenë se vet jam pjesëtar i komunitetit Ashkali, e di shumë mirë që shumica prej tyre nuk është që kanë shumë informacione mbi atë së çka u servohet. Po mendoj që është shumë e rëndësishme që të rinjtë e komuniteve Rom, Ashakli dhe Egjiptin me u vetëdijesu dhe me pas sa më shumë trajnime të tilla”, u shpreh gazetari Selamir Qerimi pas trajnimit.
Sikurse trajneri Qerimi për rëndësinë dhe nevojën e trajnimeve të tilla për të rinjtë e komuniteteve Rom, Ashkali dhe Egjiptian, theksuan edhe vetë pjesëmarrësit në trajnim.
“Ky ishte një lloj i trajnimeve që ka munguar tek të rijnë e komuniteteve Rom, Ashkali dhe Egjiptian. Ne e kemi mirëpritë shumë, dhe shpresojmë që aktivitete dhe trajnime të tilla të vazhdojnë. Na ka ndihmu shumë ky trajnim që t’i identifikojmë lajmet e rrejshme”, tha Ardian Krasniqi, pjesëmarrës në trajnim.
“Absolutisht pas këtij trajnimi mund ta identifikojë me lehtë se cili është një lajm i rremë apo i vertetë”, tha Besart Arifi pasi mori pjesë në trajnimin “Luftimi i propagandës përmes Edukimit Medial për Komunitetet Rom, Ashakli dhe Egjiptian.
Trajnimi i parë mbi luftimin e propagandës përmes edukimit medial u organizua në Lipjan, me të rijnë pjesëmarrës nga komunitetet Rom, Ashkali dhe Egjiptian nga Lipjani dhe Fushë Kosova.
Ky projekt financohet me grant nga Ambasada e Shteteve të Bashkuara të Amerikës në Kosovë për Gazetën Online Reporteri.net (R Media L.L.C), dhe implementohet në partneritet me median “Front Online” dhe Institutin për Hulumtime “iFront”.
Trajnime të ngjashme do të organizohen edhe në katër komuna tjera.
Gjatë këtij procesi, 6 nga kandidatët më të suksesshëm që dalin nëpërmjet një gare të hapur dhe transparente gjatë zhvillimit të trajnimeve në 5 rajone të ndryshme të Kosovës, do të përzgjidhen për të kryer punë praktike në mediat dhe organizatat partnere të projektit.
Me temën “Luftimi i dezinformimit dhe propagandës përmes edukimit medial për komunitetet joshumicë në Kosovë”, gazeta online Reporteri.net në partneritet me mediumin “Front Online” dhe Institutin për Hulumtime “Front” shpallin thirrjen e hapur për trajnimin e 100 të rinjve të komuniteteve Rom, Ashkali dhe Egjiptian.
Trajnimet kanë për synim edukimin medial të të rinjve të moshës 18-35 vjeç nga komunitetet joshumicë në Kosovë për identifikim dhe luftimin e dezinformimit dhe propagandës.
Gjatë këtij procesi, 6 nga kandidatët më të suksesshëm që dalin nëpërmjet një gare të hapur dhe transparente gjatë zhvillimit të trajnimeve në 5 rajone të ndryshme të Kosovës, do të përzgjidhen për të kryer punë praktike në mediat dhe organizatat partnere të projektit.
Kandidatët e përzgjedhur do të mësohen dhe trajnohen nga gazetarë profesionistë, të njohur, me përvojë të gjatë në fushën e mediave në Kosovë.
Ky projekt financohet nga Ambasada e Shteteve të Bashkuara të Amerikës në Kosovë dhe implementohet nga R Media L.L.C (Reporteri.net).
Të gjithë të rinjtë e moshës 18-35 vjeç, gratë dhe personat me aftësi të kufizuara nga radhët e komuniteteve Rom, Ashkali dhe Egjiptian nga të gjitha zonat rurale dhe urbane të Kosovës.
Praktikat më të avancuara të cilat do t’iu ndihmojnë t’i zhvilloni aftësitë tuaja në edukimin medial dhe njëkohësisht do të përgatiteni për tregun e punës. Po ashtu 6 kandidatët më të suksesshëm do të angazhohen në punë praktike 6 mujore me pagesë në mediat “Reporteri.net” dhe “Front Online”.
Të gjithë të interesuarit nga radhët e Komuniteteve Rom, Ashkali dhe Egjiptian duhet t’i dërgojnë të dhënat personale në adresën elektronike: projekti@reporteri.net.
Afati i fundit për aplikim deri më 24 nëntor 2023.
With the theme “Fighting Disinformation and Propaganda through Media Education for Non-Majority Communities in Kosovo”, the online newspaper Reporteri.net, in partnership with the medium “Front Online” and the Institute for Research “Front,” announces the open call for training 100 young people from the Roma, Ashkali, and Egyptian communities. The training aims to educate these young people, aged 18-35, from non-majority communities in Kosovo to identify and combat disinformation and propaganda.
During this process, 6 of the most successful candidates will be selected for internships through an open and transparent competition in the media and partner organizations of the project, following trainings conducted in 5 different regions of Kosovo.
The selected candidates will be taught and trained by professional, well-known journalists with extensive experience in the field of media in Kosovo.
This project is financed by the U. S. Embassy in Kosovo and implemented by R Media L.L.C. (Reporteri.net).
All young people aged 18-35, including women and persons with disabilities from the Roma, Ashkali, and Egyptian communities, from all rural and urban areas of Kosovo.
Participants will learn the most advanced practices that will help them develop skills in media education and simultaneously prepare them for the job market. Additionally, the 6 most successful candidates will engage in 6 months of paid practical work with the media “Reporteri.net” and “Front Online.”
All interested individuals from the Roma, Ashkali, and Egyptian communities should send their personal data to the email address: projekti@reporteri.net by November 24, 2023.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
