“Ajo vlen sa 1 milionë të tjera”, reperi i njohur bën publike lidhjen me Rihannën

Këngëtarja Rihanna tashmë zyrtarisht është e lidhur me reperin e njohur amerikan, A$AP Rocky. Ishte vetë reperi që e konfirmoi lidhjen përmes një deklarate të fuqishme dashurie, ku e quan këngëtaren ‘dashurinë e jetës së tij’.


Gjatë një interviste për magazinën GQ, Rocky për herë të parë i është referuar ‘Riri-it’ si “dashuria e jetës sime”, “zonjusha ime”, duke e bërë të qartë që mes tyre ka lindur diçka, teksa ai nuk tregoi më shumë detaje, por la të kuptohej se është në lidhje, pasi deklaroi se “është shumë mirë kur je në një marrëdhënie me njeriun e duhur”.

“Ajo vlen sa për 1 milionë të tjera! Mendoj se kur e ndjen, e ndjen! Ajo është e duhura!”, tha Rocky.

Sipas Us Weekly, A$AP ka qenë i dhënë pas Rihanna-s prej shumë vitesh dhe është ai që gjithnjë përpiqej ta kthente raportin e tyre në flirtues.