Edhe Profesori te ‘La Casa de Papel’ ka një emër qyteti

Që në seritë e para të fenomenit “La Casa de Papel”, Profesori (karakteri i luajtur nga Álvaro Morte) ua bëri të qartë personazheve që do të quheshin sipas emrit të një qyteti. Kështu, të gjithë u mësuam me Tokion, Nairobin, Rion, Berlinin, Denverin, Helsinkin, Palermon, Oslon etj. Po Profesori?


Edhe karakteri i Álvaro Morte-s, i njohur si Sergio Marquina (Profesori) e ka një emër qyteti, ndonëse jo zyrtarisht. Aktori u shpreh për Rappler:

“Koncepti që ky qytet përfaqëson i përshtatet Profesorit [si karakter], por duhet të heqim përbërësit fetarë. Mendoj se do të quhej Vatican City. Vatikani është një qytet-shtet. Shumë i vogël. Por ashtu si Profesori, është gjithnjë i mbrojtur dhe në të njëjtën kohë, ka fuqi në mbarë botën.”

Për sa i përket vendosjes së emrave, fillimisht u propozua që personazhet të kishin emra planetësh.

Për fat të mirë, kjo ide u hodh poshtë. Ideja për emra qytetesh lindi krejt papritur.

Një ditë, krijuesi Álex Pina mbante veshur një bluzë ku shkruhej Tokyo. Kaq u desh.