Maska vlerësohet si mbrojtësja më e mirë ndaj përhapjes së koronavirusit dhe këshillohet me ngulm nga mjekët. Megjithatë, shumë persona janë duke e përdorur atë edhe si një aksesor për t’u dukur bukur.

Rasti i fundit është këngëtarja Lana Del Rey, e cila ka marrë një “lumë” kritikash pas paraqitjes së saj të premten në Los Angeles, shkruan A2News.

Këngëtarja 35-vjeçare vendosuri në fytyrë një rrjetë, të ngjashme me një maskë, ndërsa ndau fotot me ndjekësit e saj në rrjetet sociale.

Menjëherë pas publikimit të fotove vërshuan edhe kritikat ndaj saj. Shumë e quajtën atë të papërgjegjshme, pasi ishte në rrezik për veten, por edhe rrezikoi të tjerët.

Motra e saj u mundua ta arsyetojë se Lana Del Rey ishte më shumë se 6 metra larg personave të tjerë, ndërsa ishte testuar negative para ngjarjes ku mori pjesë.