Ndërsa Rita Ora së fundmi qëndroi në Kosovë me mision humanitar ku qëndroi për tre ditë dhe vizitoi familje të varfëra në qytete të ndryshme, njëjtë po vepron edhe Dua Lipa e cila ka treguar se tri ditët e fundit i ka kaluar në Liban me shumë fëmijë refugjatë, shkruan Reporteri.net.
Dua ka publikuar në Instagram disa foto gjatë aktivitetit të saj në bashkëpunim me Unicef.
“Unë kam pasur eksperiencën më të madhe gjatë qëndrimit në Lebanon, tri ditët e fundit, duke takuar fëmijë në vendbanime refugjate dhe trajnimin e të rinjve dhe programet e ndërtimit të aftësive. Unë në veçanti dëshiroi të flas për refugjatët pasi ndjej që kam një lidhje personale kur shoh njerëz të përshtaten me çdo rrethanë për të cilën janë futur për shkak të konflikteve. Asnjë familje ose fëmijë nuk dëshiron të largohet nga shtëpia. Të gjithë kanë ëndrra. Ata të gjithë e meritojnë barazinë dhe një vend për të qenë në gjendje të jetojnë, të mësojnë dhe të arrijnë potencial të plotë. Unë gjithmonë besoj tek fëmijët pasi ata janë e ardhmja jonë dhe ne duhet të kujdesemi për ta”, ka shkruar Dua.
Ajo më tej ka thënë aktivitet i saj për të ishte tejet emocionues.
“Ishte një përvojë emocionuese por shpresëdhënëse, pasi këta fëmijë ende qeshin. Unë i kam përjetuar të gjitha aktivitetet dhe mundësit që UNICEF u jep të rinjve që kanë mbetur pa shtëpi për shkak të luftës në Siri dhe është mirë të shohim se këta fëmijë kanë një komunitet ku ndihen të sigurt dhe të mbrojtur”, ka shkruar Dua. /Reporteri.net/.