Aktorja amerikane e serialit të njohur ‘Hangover” Nathalie Fay është arrestuar pasi qëlloi me grusht të dashurin e saj në fytyrë në Miami.
36-vjeçarja u ndalua me akuza dhune shtëpiake në fundjavë, kur kishte sulmuar të dashurin e saj kur ai kishte ardhur ta merre nga një ndeshje miqësore e Miami Dolphins në futbollin amerikan, shkruan rrjeti vendas TMZ.
Aktorja e lindur në Kanada, njihet në serial si recepsionistja tërheqëse e Caesars Palace në “Hangover” — ndërsa tashmë akuzohet se ka sulmuar me grusht të dashurin pasi e kishte pyetur se “ku kishte qenë para se të vinte ta merrte”.
Fay besohet se i kishte treguar të dashurit, i identifikuar vetëm si Brady, një hartë në celular për të provuar se ai nuk ishte aty ku thoshte se ishte, dhe më pas e qëlloi me grusht.
I dashuri i aktores tha në polici se ‘ishte detyruar të dilte nga makina për të shpëtuar prej saj’.
Ish-aktorja që tashmë punon me pronat e patundshme u prangos nga oficerët që erdhën në vendngjarje, ndërsa i dashuri refuzoi ofertën e tyre për ta çuar në spital pas goditjes nga grushti i gruas.
Fay ka disa role ekrani në emrin e saj, përfshi dhe atë në filmin me Bradley Cooper në 2009.
Ajo ka luajtur gjithashtu në filmat e komedisë “Old School,” “Due Date” e “Blonde and Blonder”, shkruan rrjeti vendas The Post./
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.