“Për’puthen” duket se ka hapur dyer të shumta për (ish) konkurrentët ndonëse është një program dashurie.
Ky program ka qenë një ogur i mirë edhe për një ndër vajzat më të përfolura sezonit të kaluar, Antonela Berisha, e cila ndonëse nuk gjeti dot njeriun e zemrës, i janë ofruar shumë mundësi të tjera. Pas përfundimit të “Për’puthen”, ajo u bë pjesë e emisionit sportiv “Top Arena”. Ndërkohë, nuk kanë munguar intervistat në emisione të ndryshme televizive.
Por, duket se Antonela do nisë një eksperiencë të re televizive dhe krejt të ndryshme nga ato të tjera. Burime jozyrtare kanë bërë me dije për “New31” se ajo do bëhet pjesë e “Big Brother VIP”.
Mbrëmjen e nesërme mbahet spektakli i radhës, gjatë të cilit Antonela pritet t’i bashkohet pjesës tjetër të banorëve në shtëpinë më të famshme në Shqipëri.
Deri tani, asnjë nga konkurrentët e “Për’puthen” nuk është bërë pjesë e këtij reality-show. Megjithatë, mbetet të shohim spektaklin mbrëmjen e nesërme.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.