Jason Alexander, burri i parë i Britney Spears, i cili tentoi që të ndalonte dasmën e këngëtares që u mbajt mbrëmjen e djeshme, është arrestuar nga policia. Ai ndodhet në paraburgim pasi është akuzuar për shkelje dhe vandalizëm pas grindjes me rojet e sigurisë.

Pak minuta para se të kapej, Aleksander arriti të transmetonte veten në Instagram teksa po afrohej në pjesën e pasme të shtëpisë së Spears. Kjo është hera e tretë që arrestohet brenda një viti. Daily Mail raporton se ai ishte ndaluar më parë për vjedhje.

“Jason Alexander është vënë në pranga, është marrë në paraburgim dhe është arrestuar. Shpreh falënderimet e mia për Departamentin e Sherifit të Qarkut Ventura për përgjigjen e tyre të shpejtë dhe punën e mirë”, tha avokati i Spears, Mathew Rosengart.