Ardian Berisha, këshilltari i Kryetarit të Komunës së Prishtinës, Shpend Ahmeti– ka reaguar ashpër kundër Vedat Muriqit, i cili nuk mundi të grumbullohet me Kombëtaren e Kosovës në ndeshjen kundër Maqedonisë së Veriut, të cilët “Dardanët” e humbën mbrëmë me rezultat 2:1 dhe u eliminuan nga gara për kualifikim në Kampionatin Evropian.

Muriqi u transferua nga Fenerbahçe në Itali te Lazio dhe Berisha e ka përdorur një shprehje fyese në gjuhen italiane për ta ofenduar sulmuesin i cili i mungoi Kosovës në lojën më të rëndësishme.

“Vedat Muriqi, tu sei un PEZZO DI MERDA. Tash qe je shku ne LAZIO, besoj qe e kupton cka po du me te thone dhe kshtu nuk po menoj vec une, po shume tifoz kosovar”, ka shkruar në “Twitter” asamblisti i Komunës së Prishtinës në llogarinë e tij personale.