Dhurata Dora tashmë prej kohësh ka debutuar edhe në tregun muzikor ndërkombëtar falë bashkëpunimeve me disa nga emrat e njohur.

Një të tillë duket se do të sjellë së shpejti me artistin kongolez, Gims, emri i vërtetë i të cilit është Gandhi Bilel Djuna.

Këtë e ka bërë të ditur përmes një postimi të ndarë me ndjekësit në Instagram, ndërsa prezanton disa pjesë nga klipi.

Projekti duket të jetë ritmik veror dhe se është realizuar gjatë pushimeve që shijoi javë më parë në ishujt Maldive.

“Only You”, ka shkruar ajo referuar titullit të këngës së re.

Reagimet në hapësirën për komente kanë qenë të menjëhershme, fansat e të cilëve mezi po presin për këtë këngë.

Ky njëherësh nuk është bashkëpunimi i parë i Dorës me Maitre Gims, pasi në 2019 sollën “Te Quiero” së bashku me DJ Assad.