Janë raportuar një sërë këngësh e bashkëpunimesh që do të publikohen këtë verë.

Bëhet fjalë për disa prej artistëve shqiptarë që kanë bashkuar forcat me njëri-tjetrin për hitet e sezonit veror.

Azet dhe Tayna, Noizy dhe Elgit Doda, Ledri dhe Majk, Finem dhe Ardian Bujupi, Kidda dhe Capital T, Mozzik dhe Elvana – janë vetëm disa prej dueteve që do të lansohen këtë kohë.

Disa prej tyre kanë bashkëpunuar për herë të parë, gjersa ka prej atyre që po vijnë në duet për herë të dytë siç është rasti me Ledrin dhe Majk.

Ndonëse shumë nga këta kanë filluar me xhirimet e klipit, akoma nuk është bërë e ditur një datë e saktë për secilën prej tyre se kur do të publikohen.

Sidoqoftë, marrë parasysh famën e madhe dhe sukseset që posedojnë besohet se do priten mjaft mirë edhe nga publiku.

Në bazë të reagimeve në rrjete sociale, këto këngë konsiderohen hitet e vitit 2021.

Theksojmë që këtë periudhë me lehtësimin e masave kanë filluar të mbahen edhe koncertet e mbrëmjet e ndryshme muzikore.