Kantautori me emrin artistik Gjon’s Tears, e me emrin e vërtetë Gjon Muharremaj, do të jetë këngëtari i cili do ta përfaqësojë Zvicrën në Eurovisionin e këtij viti i cili mbahet në Rotterdam të Holandës.

Gjon Muharremaj atje do të këndojë një këngë në gjuhën frënge, gjë e cila ndodhë pas 10 vitesh, që Zvicra të përfaqësohet në Eurovision me një këngë në këtë gjuhë, shkruan Reporteri.net.

Kjo është bërë e ditur nga vetë faqja zyrtare e Eurovision.

Muharremaj, para disa viteve, kur ishte fëmijë, kishte marrë pjesë edhe në një konkurs kënge në Shqipëri.

Ai ishte i pranishëm në Albanian’s Got Talent, ku edhe atëherë kishte mahnitur jurinë me zërin e tij magjik. /Reporteri.net