Fjolla Morina pozon e lumtur me vajzën nga arresti shtëpiak.

Në ‘arrest shtëpie’, Fjolla Morina bashkohet me vajzën, pozon e qeshur dhe e relaksuar.

Gjykata ditën e djeshme ka vendosur “arrest shtëpie” për këngëtaren Fjolla Moria, e cila u kap me dy armë në pikën kufitare të Morinës të shtunën e kaluar.

Këngëtarja shqiptare është e detyruar të qëndrojë në Kukës pasi Gjykata i dha arrest shtëpie. Ajo u kap më 19 shtator në Pikën Kufitare të Morinës, me një armë zjarri pistoletë, një tjetër tip çakmaku dhe 23 fishekë.

Ditën e djeshme këngëtaren e shoqëroi dhe skandali se kishte gënjyer për shtatzëninë teksa gjinekologu që kishte bashkëpunuar në mashtrim u arratis për në Kosovë.

Ndërsa sot Fjolla është shfaqur për herë të parë në rrjetet sociale pas zhurmës së shkaktuar në media.

Ajo ka publikuar disa imazhe ku shfaqet duke shijuar çaste të këndshme me vajzën e saj të vogël, Alayah, ndërsa duket e buzëqeshur dhe e lumtur.

Mesa duket, pas gjendjes mjaft të rëndë gjatë këtyre ditëve, këngëtarja më në fund është takuar me familjarët e saj dhe ndjehet më e qetë.