Këngëtarja e njohur shqiptare, Fjolla Morina, duket se krahas angazhimeve në muzikë dhe biznes, nuk e lë anash as aktivitetin në iniciativa bamirëse.
Së fundmi, për fundvit ajo ka vizituar SOS Fshatin e Fëmijëve në Prishtinë, ku ka takuar drejtoreshën e Programit, Ora Bytyçi.
Morina ka publikuar në rrjetin social Instagram një fotografi, ku shihet nën shoqërinë e Znj, Bytyçi, ndërsa ka bërë të ditur se tash e sa vite është pjesë e një bashkëpunimi me SOS Fshatin.
“Si çdo fundvit, bashkë me znj.Ora Bytyçi nga SOS Fshatrat, u dakorduam të vazhdojmë bashkëpunimin si deri më tani. E kam shumë për zemër znj.Ora, e admiroj për punën që e bën me fëmijët e SOS! Viti që po vjen, uroj të sjellë shëndet e lumturi për më të vegjlit tanë”, ka shkruar Fjolla Morina në Instagram.
Përndryshe, viti 2021 ka qenë një vit mjaft me sfida për Fjollën, e cila pas problemeve me ligjin në Shqipëri, më në fund arriti që të fitojë lirinë kur u hodh poshtë kërkesa për ekstradimin e saj nga Kosova në Shqipëri.
Megjithëse ka qenë jo-aktive në aspektin e prurjeve të reja muzikore, Morina e ka gjetur më shumë veten e saj kohëve të fundit në biznes, përkatësisht linjën e veshjeve që ajo ka në shitje në dyqanin e saj.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
