×
  • Show Time
  • Show Time

    Fjoralba Ponari infektohet për herë të dytë me COVID-19, shtatë muaj pas infeksionit të parë

    Reporteri
    17 Shkurt 2021 | 17:38

    Moderatorja e njohur, Fjoralba Ponari, është infektuar për herë të dytë nga coronavirusi.


    Këtë e ka bërë të ditur me anë të një postimi në InstaStory, ku ka publikuar përgjigjen e testimit – transmeton Top Channel.

    Më pas ka nisur një bashkëbisedim me ndjekësit, një prej të cilëve e pyeti se sa muaj kanë kaluar që prej herës së parë që ishte e infektuar.

    “Kohën e saktë të infektimit nuk e di, por di që në fund të qershorit pata disa shqetësime dhe vendosa të bëja serologjikun për antitrupat, ku dhe më doli që e kam kaluar. Kështu që i bie të paktën shtatë muaj nga infektimi i parë”, ka thënë Ponari.

    Ndërsa për simptomat që e nxitën të bënte sërish testin e Covid-19, moderatorja tha: “Tensioni i ulët (që s’më ka ndodhur kurrë) dhe humbje e balancës (e justifikova me pagjumësinë dhe lodhjen në punë) më bënte të kisha dyshime, por prapë më bën të kisha dyshime, por prapë më dukej e vështirë duke pasur parasysh që e kisha kaluar dhe sa e kujdesshme kam qenë. Pikat mbi I i vuri temperatura në darkë dhe dhimbja therëse e kockave”.

    Ndërsa njërit prej tyre që pretendonte se figurat e njohura të ekranit e kalojnë coronavirusin pa probleme, Ponari iu përgjigj: “Tani ti o ke probleme me sytë, ose me trurin, në cilindo rast mund të sugjerojë mjekë të kualifikuar që të të bëjnë derman”.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!