Të hënën është caktuar mbajtja e seancës në Këshillin e Lartë Gjyqësor për gjyqtaren e Elbasanit Enkeleda Kapedani, të cilës vetëm pak ditë më parë iu publikuan në rrjet disa video jo etike.
Top Channel ka zbardhur raportin ku përveç veprimeve si pyetja e sekretarëve gjyqësorë, kamerat e sigurisë , është marrë në pyetje edhe magjistratja Kapedani.
Gjyqtarja ka mohuar kategorikisht të ketë llogari në rrjete sociale, jo vetëm në “Facebook”, por edhe “Instagram” dhe “TikTok”. Ndër të tjera ajo është shprehur se videot janë të sajat por mund të jenë publikuar nga fëmijët minoren të gjyqtares.
“Videot janë personale të miat”, ka deklaruar gjyqtarja. “Ato mund t’i kenë hedhur fëmijët e mi, vajza dhe djali, njëri pesë dhe tjetri 7 vjeç”, këmbëngul gjyqtarja dhe ky version do të shqyrtohet në fillim të javës, bazuar në kërkesen për pezullimin e saj nga detyra.
Kujtojmë se videot e gjyqtares me makinë të shtrenjt, veshje të shtrenjta dhe pasarelat nëpër korridoret e gjykatës u bënë virale pak ditë më parë, teksa ato publikoheshin në një llogari në “TikTok”.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.