Ish-menaxheri i shumë emrave të njohur në estradë, Drin Zatriqi, ka publikuar së fundmi një status në rrjetet sociale, duke kërkuar nga Qeveria e re që do të krijohet, që të merren pak edhe me tatimet e estradës.

Javën që lamë pas, Zatriqi ka vënë në dukje shumat marramendëse që shumë këngëtarë të njohur fitojnë për mbrëmjet e tyre muzikore, e që shumica dyshohet se nuk i paguajnë obligimet ndaj shtetit.

Ndër të tjerash, Zatriqi cek se e udhës do të ishte që këngëtarët që refuzojnë të paguajnë tatim, t’i dënojnë me forma të llojllojshme si konfiskim të pasurisë apo ndalesa në pika kufitare.

“Me qeverinë e re duhet te rregullohet edhe tatimi i estradës, tashme industria e muzikës është milionëshe, dhe çmimet nga 100 deri ne 10.000 e 15.000 euro e me shume për koncert duhet te paguajnë tatime, ne te kundërtën duhet te dënohen me dënime te majme, dhe konfiskim te pasaportave , nëse ju ikin atyre si deri me tani”, ka shkruar Zatriqi.

Ky është postimi i tij i plotë: