Aktorja Adriana Matoshi ka konfirmuar lidhjen e re të dashurisë me futbollistin, Keith Groenveld.

Groenveld është i lindur në Afrikën e Jugut, ndërsa u rrit në Belgjikë dhe filloi qysh i ri karrierën në futboll.

Ai po ashtu ka qenë futbollist i Feronikelit, kurse është aktiv edhe në muzikë, ditë më parë publikoi këngën “Black and White”.

Gjatë qëndrimit në Kosovë, Keith u dashurua me Adrianën dhe tani janë shumë të lumtur në krahët e njëri-tjetrit.

Pak orë pasi konfirmoi lidhjen e dashurisë, Adriana mori komente të shumta, ndërsa reagoi me anë të një postimi, ku thotë se dashuria e bën të lumtur dhe nuk e bën as njeri më të mirë e as më të keq.

“Dashnia edhe lidhja mu nuk m’bon as njeri ma t’mire as ma t’keq. Dashnia veç munet me m’bo ma t’lumtun!”, ka shkruar ajo.